Այո՛, խորհրդարանական համակարգում հնարավոր չէ ունենալ կառավարություն, որը չունի մեծամասնություն խորհրդարանում. դա քաղաքական և քաղաքագիտական նոնսենս է: Կասկած չկա, որ անցնցում ճանապարհով կանցկացվեն արտահերթ ընտրությունները. դրա նախերգանքը տեսանք Երևանի ընտրությունների ժամանակ։ Իհարկե, պայքարը շատ ավելի թեժ կլինի, բայց հիմնականում խաղաղ ճանապարհով, օրինականության սահմաններում:

Հայաստանին անհրաժեշտ է մոբիլիզացնել իր ողջ քաղաքական ռեսուրսը հնարավոր ֆորս-մաժորներին ընդառաջ։ Արտահերթ ընտրությունները դեկտեմբերին անցկացնելը թույլ կտա լծակներից զրկել նախկին համակարգի հենասյուն քաղաքական խմբերին, որոնք անցած տարիներին պարազիտացել են պետության եւ հանրության շահերի վրա՝ դառնալով Մոսկվայի շահերի սպասարկման գործիքը։

Թե՛ Վրաստանում և թե՛ Հայաստանում բողոքի միջոցառումները սկսեցին մի խումբ երիտասարդներ և երկրի ղեկավարի հրաժարականին հասան 20-օրյա բողոքի ցույցերի արդյունքում։ Նմանություններ կային նաև կարգախոսների ու խորհրդանիշների միջև։ Վրաստանի դեպքում հեղափոխության խորհրդանիշը վարդերն էին, իսկ Հայաստանի դեպքում, իմ համոզմամբ, ուսապարկը:

Այս իրողության սահմանադրական «սրբագրման» ամենաարդյունավետ միջոցն արտահերթ խորհրդարանական ընտրություններն են և այդպիսով փոփոխված քաղաքական իրադրության պայմաններում ժողովրդի կամքին համապատասխանող խորհրդարանական նոր մեծամասնության ձևավորումը: Սակայն Սահմանադրությունն այս իմաստով որևէ լուծում չի նախատեսում՝ բացի Սահմանադրությամբ նախատեսված կարգով վարչապետին ընտրելու՝ Ազգային ժողովի անընդունակության դեպքում դրա արձակման իրավադրույթից, որը տվյալ պարագայում կարող է ունենալ միայն անուղղակի ազդեցություն։

Թեեւ Իրանն ու Թուրքիան պատրաստվում են միմյանց աջակցությամբ շրջանցել ԱՄՆ սահմանափակումներն ու դուրս գալ տնտեսական ճգնաժամից, դա այնքան էլ հավանական չի թվում, հատկապես, որ հարեւան երկրում ստեղծված իրավիճակը նպաստավոր չէ սեփական երկրի իրավիճակի բարելավման համար։

Բոլոր դեպքերում սա ճեղքում էր ՀՀԿ-ի համար, որովհետև կուսակցության գիծը ներկայացնող պատգամավորների տեսա­կետը խիստ հակասության մեջ է այդ խմ­բակցության տարբեր անդամների արած հայտարարությունների պատճառով: Այ­սինքն ՀՀԿ-ի ներսում փլուզում է: Եթե իրադարձությունները նման տրամաբա­նությամբ գնան, ապա ուրվագծվում է՝ ՀՀԿ-ն չի առաջադրի որևէ թեկնածու: