Ահաբեկչութեան եւ յանցաւորութեան դէմ պայքարը որեւէ պետութեան ղեկավարի թիւ մէկ պարտականութիւնն է, եւ ահաբեկչութեան դէմ պայքարի ամբոխավարութեամբ կը զբաղին Փութին, Էրտողան, Ալիեւ եւ շատ պիտի ուզէր զբաղիլ նաեւ Լը Փէն, պայքարի քօղի ետին ընելով այն, ինչ կը ցանկան: 

Ռուբեն Մեհրաբյան, ՄԱՀՀԻ ասոցացված փորձագետ Ռուբեն Մեհրաբյան, ՄԱՀՀԻ ասոցացված փորձագետ

«Ֆրանսայի հայերը նախ եւ առաջ Ֆրանսայի քաղաքացիներ են, եւ անոնց աչքին առջեւ բոլորը կը միաւորուին Մաքրոնին շուրջ՝ ընդդէմ Լը Փէնի, եւ ֆրանսահայերու ճնշող մեծամասնութիւնը նոյն կերպով պիտի վարուի»,- «Հայ Ձայն»ի հետ զրոյցի ընթացքին յայտնեց քաղաքագէտ Ռուբէն Մեհրապեան:

Քաղաքագէտն իր խօսքին մէջ նշեց, որ հայ համայնքի ներկայացուցիչներուն՝ 24 Ապրիլին Էմմանուէլ Մաքրոնին շուրջ հաւաքուելուն մէջ բացասական նշաններ պէտք չէ տեսնել. անոնք հաւաքուած էին միեւնոյն վայրը, միեւնոյն նպատակով, իսկ վերջինս ալ յայտարարութեամբ հանդէս եկաւ, որուն համաձայն, Ֆրանսա կը շարունակէ վարել նոյն քաղաքականութիւնը՝ հայկական օրակարգային հարցերուն շուրջ եւ այն որեւէ էական փոփոխութիւններու պիտի չենթարկուի:

Անդրադառնալով այն հանգամանքին, թէ ինչո՞ւ աշխարհ որոշակի սարսափ կը տածէ Մարին Լը Փէնի հանդէպ, մեր զրուցակիցը նշեց. «Լը Փէն իշխանութիւն գալէ ետք կը ցանկայ Ֆրանսան հանել ՆԱԹՕ-ի կազմէն, Եւրոմիութենէն, եւրոյի գօտինէն: Ան կը նշէ, որ Ֆրանսա դեր չէ ունեցած հրեաներու կոտորածին ժամանակ, սակայն յայտնի է, թէ ինչպէս  Ֆրանսա կը վարուէր հրեաներուն հետ: Եւ ի հարկէ, նշանակութիւն ունի ՌԴ նախագահ Փութինի հետ բացայայտ նիւթական յարաբերութիւնները: Ի դէպ, երկար խորհելու պարագային, Լը Փէնը հաւանական է, որ բանտարկուի: Այս բոլորը շատերուն համար մտահոգիչ է, եւ այդ է պաճառը, որ Մաքրոն արձանագրեց այս յաջողութիւնը, որուն եւրոպական պորսաները դրականօրէն արձագանգեցին, բարձրացան բոլոր գործակիցները»:

Ըստ քաղաքագէտին, Լը Փէն տեսականօրէն հնարաւորութիւն ունի ընտրուելու, եւ աջերն ու ձախերը կոչ ուղղեցին բոլորին՝ քուէրակելու Մաքրոնի օգտին, որպէսզի չքուէարակեն Լը Փէնի օգտին, եւ վերջինս հաւանաբար քանի մը տոկոսով աւելին հաւաքէ, քան՝ առաջին հանգրուանին, իսկ մնացեալը պիտի քուէարկեն Մաքրոնի օգտին:

«Ահաբեկչութեան եւ յանցաւորութեան դէմ պայքարը որեւէ պետութեան ղեկավարի թիւ մէկ պարտականութիւնն է, եւ ահաբեկչութեան դէմ պայքարի ամբոխավարութեամբ կը զբաղին Փութին, Էրտողան, Ալիեւ եւ շատ պիտի ուզէր զբաղիլ նաեւ Լը Փէն, պայքարի քօղի ետին ընելով այն, ինչ կը ցանկան: Այս բռնապետական հակում ունեցողներուն սիրելի զբաղմունքն է, եւ զարմանալի պիտի ըլլար, որ Լը Փէն ցանկութիւն չունենար միանալու անոնց»,- իր խօսքը եզրափակեց քաղաքագէտը:

26.04.2017

Աղբյուրը՝ «Հայ ձայն»