Ընդլայնելով ռուսական ռազմական ներկայությունը ՀՀ-ում՝ արդյոք մենք չենք գա մի կետի ու չենք ունենա այն, ինչ եղավ Սեւաստոպոլում, որը հիմա հատուկ կարգավիճակ ունի ռուսական ու ուկրաինական կողմերի միջեւ։ Այս օրինակով ուղղակի խտացնում եմ գույները:

Քաղաքագետ Գևորգ Մելիքյանը այսօր հրավիրված ասուլիսում հարց հնչեցրեց՝ Հայաստանում ռուսական ՌՈ տեղակայելու նախաձեռնությունը Հայաստանի՞նն է եղել, թե ռուսական կողմինը՝ հավելելով, որ միգուցե մի օր էլ Իրանի կրոնական ոստիկանությունը հայտնվի՞ Հայաստանում:

Մելիքյանը նշեց, որ պետք է հասկանալ՝ որտեղի՞ց է գալիս այս նախաձեռնությունը, ինչո՞վ է պայմանավորված այս անհրաժեշտությունը՝ ռուս զինվորների կարգուկանոնո՞վ. արդյո՞ք մտավախություն ունեն, որ զինվորներն անկանխատեսելի են դառնում:

«Բոլորիս հայտնի է, որ Գյումրիում 102-րդ բազայի զինվորները չեն փայլել իրենց կարգուկանոնով, խախտումներ են թույլ տվել: Սա լավ առիթ է մեզ համար՝ հասկանալու, որ կարող ենք ամրապնդել մեր դիրքերը: Երբ ժամանակին աշխատում էինք տարբեր երկրներում, աստիճանաբար Հայաստանը սկսեց ամրապնդել իր դիրքերը, և առանց որևէ բախումների Սփյուռքի կառույցները սկսեցին իրենց տեղը զիջել պետական կառույցների աշխատանքին:

30.03.2018

Աղբյուրը՝ «Առաջին լրատվական»

 

Միհրան Հակոբյանը փարատում է Գեւորգ Մելիքյանի մտավախությունները` Գյումրին չենք կորցնի. «Առավոտ»

«Ռուսական կողմը ՀՀ-ում պետք է ունենար նման ոստիկանություն ու զբաղվեր իրենց զինվորների կարգուկանոնով: Դա իրենց պարտավորությունն է։ Չեմ կարծում, որ դա մեծ քանակ է լինելու։ Բացարձակ այստեղ խնդիր չեմ տեսնում»,- սա ՀՀ ԱԺ Եվրոպական ինտեգրման հարցերի մշտական հանձնաժողովի անդամ, ՀՀԿ խմբակցության պատգամավոր Միհրան Հակոբյանի կարծիքն է ՀՀ-ում ռուսական ռազմական ոստիկանության ստորաբաժանման տեղակայման շուրջ: Այդ մասին իշխող ուժի ներկայացուցիչն ասաց «Հոդված 3» ակումբում կազմակերպված «Միակողմանի դաշինք. ՀՀ-ում «Ռուսական ռազմաբազայի մասին» պայմանագրի խախտմամբ տեղակայվելու են Ռուսաստանի ՌՈ ստորաբաժանումները» թեմայով քննարկման ժամանակ:

Միհրան Հակոբյանը դժվարացավ հստակ ասել, արդյոք այս անհրաժեշտությունը պայմանավորված էր Վալերի Պերմյակովի հետ առաջացած խնդրով: Հավաստիացրեց, որ առաջիկայում քննարկումներ կլինեն եւ բոլոր հարցերի պատասխանները կտրվեն: Իշխող ուժի ներկայացուցիչը չի կիսում նաեւ Միջազգային եւ անվտանգության հարցերի հայկական ինստիտուտի ասոցացված փորձագետ Գեւորգ Մելիքյանի դիտարկումները, որ այդ դեպքում, թող Իրանի կրոնական ոստիկանության ներկայացուցիչներն էլ տեղակայվեն Հայաստանում, քանի որ իրանցի զբոսաշրջիկների թիվն ավելանում է:

«Կարծում եմ, նման համեմատությունը տեղին չէ, քանի որ նույնն էլ, ասենք, հայկական կողմը կարող է ասել Վրաստանին, թե մեր զբոսաշրջիկներն առավել շատ ձեզ մոտ են գալիս հանգստանալու, ծովափերին հայկական վերահսկողական գրասենյակներ տեղադրենք»,- ասաց Միհրան Հակոբյանը:

Այլ մանրամասները`տեսանյութում.

Նելլի Գրիգորյան

30.03.2018

Աղբյուրը՝ «Առավոտ»

 

ՌԴ-ն ինքը պետք է զբաղվի ռազմաբազայի ներքին կարգուկանոնով. «Թերթ»

Հայաստանի իշխանությունների հետ ներկայում քննարկումներ են տարվում ռուսական ռազմական ոստիկանության տեղակայման մասին իրավապայմանագրային մշակումների շուրջ: Շուտով այս մասին կունենանք լիարժեք տեղեկատվություն, թե ինչ փաստաթուղթ է ստորագրվելու, ինչ իրավական լուծումներ են տրվելու: 

Այս մասին «Միակողմանի դաշինք. ՀՀ-ում «Ռուսական ռազմաբազայի մասին» պայմանագրի խախտմամբ տեղակայվելու են Ռուսաստանի ՌՈ ստորաբաժանումներ» թեմայով քննարկման ժամանակ ասաց ԱԺ «Հայաստանի Հանրապետական կուսակցություն» խմբակցության պատգամավոր Միհրան Հակոբյանը:

Վերջինս ասաց, որ Ռուսաստանը ռազմական ոստիկանություն է ստեղծել վերջերս՝ 2011թ.-ին, մինչ այդ զինվորական հանցագործությունների խնդիրը կարգավորվել է այլ հարթակում: Սա նշանակում է, որ Հայաստանում ռուսական ռազմական բազան տեղակայելու 1995թ.-ի պայմանագրում ռազմական ոստիկանության ստորաբաժանում Հայաստանում տեղակայելու մասին դրույթ չկա:

«Պայմանագիրը ենթադրում է, որ միավորների մասին կարելի է կնքել նոր պայմանագիր: Մենք գտնվում ենք այս քննարկումների փուլում, որ հասկանանք, թե ինչ կարգավիճակ է ունենալու ռազմական ոստիկանությունը: Կարծում եմ, որ ՌԴ-ն պետք է ունենա ռազմական ոստիկանության ստորաբաժանում, որ զբաղվեն իրենց ներքին կարգ ու կանոնով, զինվորի պահվածքով, մենք չէ, որ պետք է մտնենք 102-րդ ռազմաբազա, որ զբաղվենք այս հարցերով»,- ասաց Միհրան Հակոբյանը:

Պատգամավորը նշեց, թե դժվարանում է ասել՝ քանի՞ ոստիկան կունենա ստորաբաժանումը, բայց ասաց, որ թիվը կարող է տատանվել, օրինակ՝ 20-ից 30-ի միջև՝ ողջ հանրապետության տարածքով, որտեղ կան ռուսական ստորաբաժանումներ:

«Օրինակ՝ ռուս սպան մեքենայով դուրս է գալիս տեղակայումից, գնում է իր բնակավայր: Ինչո՞ւ պետք է այս հարցերով մենք զբաղվենք, որ ինքը ճիշտ քշի, կարգ ու կանոնով քշի: Ռուսական ռազմական ոստիկանության տեղակայման մեջ վտանգներ ես չեմ տեսնում, որովհետև 102-րդ ռազմաբազան մեր անվտանգության ապահովման կարևոր բաղադրիչներից է»,- նշեց Միհրան Հակոբյանը:

Հարցին՝ հնարավո՞ր է ՌԴ-ն ոստիկաններ տեղակայելու որոշումը կայացրել է Գյումրիի ընտանիքը սպանած Վալերի Պերմյակովի դեպքից հետո, պատգամավորն ասաց, որ դժվարանում է ասել: Նա նշեց, որ ամեն դեպքում ՌԴ-ն Հայաստանում ունի ռազմական խմբավորում և պետք է մտածեր ՀՀ-ում ռազմական ոստիկանություն ունենալու մասին:

Քաղաքագետ Գևորգ Մելիքյանն էլ հարց հնչեցրեց՝ Հայաստանում ռուսական ՌՈ տեղակայելու նախաձեռնությունը Հայաստանի՞նն է եղել, թե ռուսական կողմինը:

Մելիքյանը նշեց, որ պետք է հասկանալ՝ որտեղի՞ց է գալիս այս նախաձեռնությունը, ինչո՞վ է պայմանավորված այս անհրաժեշտությունը՝ ռուս զինվորների կարգուկանոնո՞վ. արդյո՞ք մտավախություն ունեն, որ զինվորներն անկանխատեսելի են դառնում:

«Բոլորիս հայտնի է, որ Գյումրիում 102-րդ բազայի զինվորները չեն փայլել իրենց կարգուկանոնով, խախտումներ են թույլ տվել: Սա լավ առիթ է մեզ համար՝ հասկանալու, որ կարող ենք ամրապնդել մեր դիրքերը: Երբ ժամանակին աշխատում էինք տարբեր երկրներում, աստիճանաբար Հայաստանը սկսեց ամրապնդել իր դիրքերը, և առանց որևէ բախումների Սփյուռքի կառույցները սկսեցին իրենց տեղը զիջել պետական կառույցների աշխատանքին:

Նույնն այստեղ պետք է լինի: Պետք է հնարավորություն տանք, որ մենք լինենք կենտրոնում, մեր պետության ներսում կարգուկանոն մենք պետք է հրավիրենք: Գուցե ռուս զինվորը, իմանալով, որ այստեղ կա ռազմական ոստիկանություն, ավելի հանդուգն դառնա: Այսպես պետք չի անել, ու ինքը կարող է: Կարող են ավելի հանգիստ լինել, մտածել, որ կղզի են իրենք, իրենք իրենց կղզում պետք է իրենց հարցերը լուծեն»,-մանրամասնեց Գ. Մելիքյանը:

Ընդլայնելով ռուսական ռազմական ներկայությունը, Մելիքյանի խոսքով, արդյոք Հայաստանը չի՞ գա մի կետի, որ Գյումրիին տրվի ռուսական հատուկ կարգավիճակ, ինչպես դա եղավ մի շարք այլ տարածքների պարագայում:

Միհրան Հակոբյանը չհամաձայնեց այս հարցադրման հետ, նա ասաց, որ այս ստորաբաժանումը կօգնի լուծել ներքին կարգ ու կանոնի խնդիրները, դրանք դնել «ռելսերի վրա», և գուցե դրանից հետո հանցագործությունների քանակը քչանա:

«Պետք չէ հարցերին մոտենալ խելագարության կանխավարկածից: Որևէ մեկը չի կարող շահարկել Հայաստանի՝ սուվերեն լինելու հանգամանքը: ԵՄ մի շարք երկրներում կանգնած են ԱՄՆ Զինված ուժեր ՝ միջուկային զինանոցով: Ռուսական 102-րդ ռազմական բազան մեզ օգնում է ապահովագրվել թուրքական վտանգից, իսկ ԱՄՆ դեպքում հասկանալի չէ՝ ումի՞ց են, օրինակ, գերմանացիներին պաշտպանում, որ այնտեղ բազա են դրել, չեխերի՞ց: Այս շահարկումները պետք է վերջ դնել: Որևէ մեկը սուվերենության խնդիրը չի կարող դնել»,-ասաց նա:

Քաղաքագետ Ստեփան Գրիգորյանն էլ հայտարարեց՝ պետք է հասկանալ՝ ինչպես է ֆինանսավորվելու բազան և ով է լինելու դրա պատասխանատուն:

«Վաղը, երբ այս ոստիկանները փակեն ճանապարհը դեպի Ղարաբաղ, թող իմանան՝ ով է դրա համար պատասխանատու լինելու: Այլ երկրից ռազմական ուժային կառույցներ ընդունելը լուրջ է: Շատ զգայուն խնդիր է սա: Բարեբախտաբար, հիմա 5-րդ շարասյուն չկա, բայց ունենք Ռուսաստան, որը նման դեր է կատարում: Մենք պետք է հաշվարկենք, թե ինչ ազդեցություն կունենա այս ամենը Ղարաբաղի վրա»,- ասաց Ս. Գրիգորյանը:

Տիգրանուհի Մարտիրոսյան

30.03.2018

Աղբյուրը՝ «Թերթ»

 

102-րդ ռազմաբազայում ոստիկանական ուժերի տեղակայման շուրջ բանակցություններ են ընթանում. ՀՀ ՊՆ մամուլի քարտուղար. «ԱրմՌադիո»

Ռուսաստանի եւ Հայաստանի միջեւ այս պահին բանակցություններ են ընթանում Գյումրիում ռուսաստանյան 102- րդ ռազմակայանում ռազմական ոստիկանական ուժերի տեղակայման խնդիրը իրավականը հարթության մեջ լուծելու համար` «Ռադիոլուրին» հայտնել է ՀՀ ՊՆ մամուլի քարտուղար Արծրուն Հովհաննիսյանը։ «Մինչեւ իրավական համապատասխան համաձայնություն, պայմանագիր չլինի, 102- րդ ռազմաբազայի կազմի փոփոխություն տեղի չի ունենա»,- ասել է նա։

Նախօրեին «Ռադիոլուրի» հիմնական թողարկման ժամանակ Հանրային ռադիոյի «Ստատուս քվո» հաղորդաշարի հեղինակ, քաղաքագետ Գեւորգ Մելիքյանը քննադատել էր ռազմական ոստիկանական ուժերի տեղակայումը՝ նշելով, որ հայկական կողմը պետք է ինքը վերցնի այդ առաքելությունն իր վրա, միգուցե հայտարարելով, որ Գյումրիի ռազմաբազայի իրավականը խնդիրներով զբաղվի Հայաստանի ռազմական ոստիկանությունը։ Արծրուն Հովհաննիսյանն այս առումով նշել է, որ «ամեն մի պետության ԶՈւ իր կոնկրետ ստորաբաժանումներով է ապահովում իր մարտունակությունը»։

Ռուսաստանի զինված ուժերի Հարավային օկրուգի մամուլի ծառայությունը նախօրեին հայտարարել էր Գյումրիում ռուսաստանյան 102- րդ ռազմաբազայում ռազմական ոստիկանության ստորաբաժանումներ ձեւավորելու մասին։ «Նախկինում բազայում կարգուկանոնի պահպանման համար հատկացվում էին առանձին պարեկներ, սակայն դրանց կազմում ընդգրկված զինծառայողները չէին անցնում հատուկ նախապատրաստություն։ Ներկայում ստեղծվող ջոկատներում ներգրավվելու են մասնագետներ, որոնք վարժանքներ են անցել Վլադիկավկազի ռազմական ոստիկանության ուսումնական կենտրոնում»,- ասված է Հարավային օկրուգի մամուլի ծառայության հաղորդագրության մեջ։

Լիլիթ Մուրադյան

30.03.2018

Աղբյուրը՝ «ԱրմՌադիո»

 

Արդյո՞ք մենք չենք գա մի կետի ու չենք ունենա այն, ինչ եղավ Սեւաստոպոլում. «A1+»

«Միակողմանի դաշինք. ՀՀ-ում «Ռուսական ռազմաբազայի մասին» պայմանագրի խախտմամբ տեղակայվելու են Ռուսաստանի ՌՈ ստորաբաժանումները» թեմայով քննարկմանը Գլոբալիզացիայի եւ տարածաշրջանային հետազոտությունների վերլուծական կենտրոնի նախագահ, քաղաքագետ Ստեփան Գրիգորյանը նշեց, որ դեռ 1990-ականներին ստորագրված հայ-ռուսական բազային պայմանագրում չկա ռազմական ոստիկանություն հասկացողությունը.

«Եթե մեր Կառավարությունն ուզում է ռուսական ռազմական ոստիկանության ներկայություն, ապա պետք է բերի համապատասխան պայմանագիր, քննարկենք ու այն անցնի բոլոր փուլերով։ Պետք է ամեն ինչին նայենք մեր շահերից ելնելով։ Միգուցե տեղական այդ ոստիկանությունը բերում են Գյումրիի ռուսական 102-րդ ռազմաբազայում կարգուկանոն հաստատելու համար։ Պայմանագրով է հնարավոր միայն կարգավորել հարաբերությունները։ Ինչպես հասկացա` պլանավորվում է նաեւ Երեւան բերել, որտեղ կա իրենց ռազմաբազայի շտաբ, սպայական կազմ է, ինչ կարգուկանոնի մասին է խոսքը։ Հիշենք պատմությունից` հայ բոլշևիկները կազմալուծում էին մեր բանակը, քանի որ մտածում էին` գալու է Կարմիր բանակն ու ամեն ինչ լավ է լինելու, սակայն եկան ու հանձնեցին Կարսը եւ այլն։ Սրա համար պատմական փորձը պետք է հաշվի առնել»:

Քննարկման մասնակից ՀՀ ԱԺ Եվրոպական ինտեգրման հարցերի մշտական հանձնաժողովի անդամ, ՀՀԿ խմբակցության պատգամավոր Միհրան Հակոբյանն իր խոսքում վստահեցրեց, որ ռուսական կողմը ՀՀ-ում պետք է ունենար նման ոստիկանություն ու զբաղվեր իրենց զինվորների կարգուկանոնով. «Դա իրենց պարտավորությունն է։ Չեմ կարծում, որ դա մեծ քանակ է լինելու։ Բացարձակ այստեղ խնդիր չեմ տեսնում»:

Իսկ Միջազգային և անվտանգության հարցերի հայկական ինստիտուտի փորձագետ Գեւորգ Մելիքյանն իր կողմից ավելացրեց` հայկական կողմը հիմա բանակցում է ռուսական կողմի հետ. «Սակայն մի զուգահեռ եմ ուզում անցկացնել` արդյոք մի օր էլ իրանական կողմը կսկսի պնդել, որ կրոնական ոստիկանություն պետք է հիմնի ՀՀ-ում։ Հարց է ծագում նաեւ, թե ով է ֆինանսական կողմն ապահովելու ռուսական այս ոստիկանության։ Ընդլայնելով ռուսական ռազմական ներկայությունը ՀՀ-ում ու այս տրամաբանությունը շարունակական լինի, արդյոք մենք չենք գա մի կետի ու չենք ունենա այն, ինչ եղավ Սեւաստոպոլում, որը հիմա հատուկ կարգավիճակ ունի ռուսական ու ուկրաինական կողմերի միջեւ։ Այս օրինակով ուղղակի խտացնում եմ գույները»: «Կարծում եմ` նման համեմատությունը տեղին չէ, քանի որ նույնն էլ,ասենք, հայկական կողմը կարող է ասել Վրաստանին, թե մեր զբոսաշրջիկներն առավելի շատ ձեզ մոտ են գալիս հանգստանալու, ծովափերին հայկական վերահսկողական գրասենյակներ տեղադրենք»:

Արդյոք ռուսական ՌՈ ներկայությունը ՀՀ-ում պայմանավորված է Վալերի Պերմյակովի գործոնով, Ստեփան Գրիգորյանը նշեց, որ այդ հարցի հետ կապված պետք է դիմել մեր իշխանություններին. «Ավելին ասեմ` ռուսական ՌՈ-ի տեղակայման ցանկության մասին ես իմացել եմ ռուսական ԶԼՄ-ներից ու չեմ բացառում, որ մեր իշխանություններն էլ են այդ տարբերակով իմացել»։

Նույն հարցի հետ կապված Միհրան Հակոբյանը նշեց, որ կդժվարանա ասել, թե ռուսական կողմը Վալերի Պերմյակովի հարցով է դիմել. «Առաջիկայում կներկայացնենք, թե ռուսական կողմի հետ քննարկումներն ինչ հունով են գնացել կամ ինչ պայմանագիր է կնքվում»:

Գեւորգ Մելիքյանն իր կողմից նկատեց հետեւյալը. «Պատկերացնենք հետեւյալ իրավիճակը` ասենք, հայ որեւէ քաղաքացի մոտենում է ռուս ՌՈ ներկայացուցչին ու նկատողություն անում, նա էլ պտտվում, ասում է` 
դու ինձ հետ ինչ գործ ունես, ձեր երկրում մենք կղզի ենք, ու մենք ինքներս մեր հարցերը կկարգավորենք, դուք մի խառնվեք։ Այսինքն, ստացվում է` մեր օրենքներից վեր են սկսելու իրենց դասել»։

30.03.2018

Աղբյուրը՝ «A1+»

 

Գեւորգ Մելիքյան. 102–րդ ռազմաբազայի համար պետք է ստեղծել ռազմական ոստիկանության համատեղ ստորաբաժանումներ. «Նյուզ»​

102-րդ ռուսական ռազմաբազայում ռազմական ոստիկանության ստորաբաժանումների ձեւավորումը մի շարք հարցեր է առաջացնում։ Այս մասին մարտի 30-ին՝ «Միակողմանի դաշինք. ՀՀ-ում «Ռուսական ռազմաբազայի մասին» պայմանագրի խախտմամբ տեղակայվելու են Ռուսաստանի ՌՈ ստորաբաժանումները» թեմայով քննարկման ժամանակ հայտարարել է Միջազգային եւ անվտանգության հարցերի հայկական ինստիտուտի ասոցացված փորձագետ Գեւորգ Մելիքյանը։ 

Նրա խոսքով, չափազանց կարեւոր է պարզել, որ կողմն է հանդիսանում այդ նախաձեռնության հեղինակը՝ ռուսակա՞ն, թե՞ հայկական. «Երկրորդ՝ ո՞ր կողմից է գալիս այս նախաձեռնությունը։ Սա պայմանավորված է Պերմյակովի հետ կապված դեպքո՞վ, թե՞ այլ դեպքերով, որոնք տեղի են ունեցել Գյումրիում»,–հավելել է Մելիքյանը։ 
Միաժամանակ, նրա համոզմամբ, անհրաժեշտ է հասկանալ՝ կապված է սա այն հանգամանքի հետ, որ ռուսական զինվորականները բազայի տարածքում ավելի անկանխատեսելի են դարձել, թե առկա են այլ հանգամանքներ։ 

Գեւորգ Մելիքյանի կարծիքով, ներկա իրավիճակում, ավելի ճիշտ կլինի ձեւավորել ռազմական ոստիկանության համատեղ ստորաբաժանումներ, որոնք համատեղ կորոշեն բազայի տարածքում առաջ եկած հարցերը։

Ավելի վաղ հայտնի էր դարձել, որ Գյումրիի ռուսական ռազմաբազայում ձեւավորվելու է  ռուսական ռազմական ոստիկանության ստորաբաժանում: 
ՌԴ  ԶՈՒ Հարավային ռազմական օկրուգի լրատվական ծառայությանը հայտնել էր, որ զինվորական կարգուկանոնը պահպանելու, երեւեկության անվտանգությունն ապահովելու եւ օբյեկտների պահպանման համար Գյումրիի կայազորում ձեւավորվելու է ոստիկանության ստորաբաժանում: Անձնակազմը հատուկ հանդերձանք է ստանալու  եւ զինվելու է հաստիքային զենքերով, ռազմական տեխնիկայով եւ հատուկ միջոցներով։

Մինչ այդ  ռազմաբազայում  կարգուկանոն պահպանում էր պարեկապահակային հատուկ ծառայությունը, սակայն դրա կազմում եղած զինվորականները չունեին հատուկ պատրաստվածություն:  Ստեղծվելիք ստորաբաժանումը պատրաստվածություն է անցել Վլադիկավկազի զինվորական ոստիկանությունում:

30.03.2018

Աղբյուրը՝ «Նյուզ»

 

Գևորգ Մելիքյան. «Կարող ենք Գյումրին կորցնելու վտանգի առջև էլ կանգնել». «168 ժամ»​

Ռուսական ռազմական ոստիկանության ներկայության արդյունքում, հնարավոր է՝ ռուս զինվորները դառնան ավելի հանդուգն։ Այսօր «Միակողմանի դաշինք. ՀՀ-ում «Ռուսական ռազմաբազայի մասին» պայմանագրի խախտմամբ տեղակայվելու են Ռուսաստանի ՌՈ ստորաբաժանումները» թեմայով քննարկման ժամանակ նման կարծիք հայտնեց Միջազգային և անվտանգության հարցերի հայկական ինստիտուտի ասոցիացված փորձագետ Գևորգ Մելիքյանը։

«Հետաքրքիր է հասկանալ, թե որտեղից է գալիս նախաձեռնությունը. հայկական կո՞ղմն է դիմում ռուսական կողմին, թե՞ ռուսական կողմն է դիմում հայկական կողմին՝ նման առաջարկով։ Երկրորդ՝ ինչի՞ց է գալիս այս անհրաժեշտությունը, արդյո՞ք սա պայմանավորված է Պերմյակովի հետ կապված իրադարձության հետ, արդյո՞ք սա մոտավորապես նշանակում է, որ մյուս զինվորներն ավելի անկանխատեսելի են դառնում իրենց զորամասում, և դրա համար անհրաժեշտ է՝ հատուկ նոր ծառայություն լինի։ Երրորդ՝ հնարավոր չէ՞ր փորձել համատեղ ձևով այս խնդիրը լուծել և չունենալ առանձին զորամիավորում»,- ընդգծեց նա։

Գևորգ Մելիքյանը նկատեց՝ եթե իր զինվորների հետ կապված ռուսական կողմն ունի մտավախություններ և հայկական կողմը խնդիր չի տեսնում, որ ռուսական կողմի ներկայացուցիչները գան և այստեղ կարգուկանոն հաստատեն, արդյո՞ք այս նույն տրամաբանությամբ իրանական կողմը վաղը չի պնդի, որ Հայաստանում պետք է աշխատի կրոնական ոստիկանություն, որովհետև Իրանի քաղաքացիները միշտ չէ, որ իրենց ճիշտ են պահում։

Փորձագետի հետ համակարծիք չէր ԱԺ Եվրոպական ինտեգրման հարցերի մշտական հանձնաժողովի անդամ, ՀՀԿ խմբակցության պատգամավոր Միհրան Հակոբյանը. «Կարծում եմ՝ նման համեմատությունը տեղին չէ, քանի որ նույնն էլ, ասենք, հայկական կողմը կարող է ասել Վրաստանին, թե մեր զբոսաշրջիկներն առավել շատ ձեզ մոտ են գալիս հանգստանալու, ծովափերին հայկական վերահսկողական գրասենյակներ տեղադրենք»։

Գևորգ Մելիքյանի մյուս մտահոգությունը կապված էր այն բանի հետ, թե ռուսական այս ոստիկանության ֆինանսական հարցերն ո՞վ է հոգալու. «Բացի այդ՝ ընդլայնելով ռուսական ռազմական ներկայությունը ՀՀ-ում՝ արդյոք մենք չե՞նք գա մի կետի ու չե՞նք ունենա այն, ինչ եղավ Սևաստոպոլում»։

Նա մտավախություն ունի, որ Հայաստանը կարող է կանգնել Գյումրին կորցնելու վտանգի առջև, մանավանդ, որ Գյումրիից արտագաղթ կա, գյումրեցիներին ռուսական անձնագրեր են բաժանում, ուղիղ չվերթ կա դեպի ՌԴ, ՌԴ նախագահ Պուտինն էլ Հայաստան այցելելիս` Գյումրիում վայրէջք կատարեց. «Այսինքն՝ այդ ուղիղ միջանցքները մտահոգիչ են, Գյումրին սկսում է առանձնանալ Երևանից։ Ուզում եմ տեսնենք, թե ինչ ռիսկեր այստեղ ունենք»։

Գևորգ Մելիքյանը մի պատկերավոր օրինակ էլ բերեց` որևէ հայ քաղաքացի մոտենում է ռուս ՌՈ ներկայացուցչին ու նկատողություն անում իր ոչ կոռեկտ պահվածքի համար, նա էլ պտտվում և ասում է` դու ինձ հետ ի՞նչ գործ ունես, ձեր երկրում մենք կղզի ենք, ու մենք ինքներս մեր հարցերը կկարգավորենք, դուք ընդհանրապես մի խառնվեք. «Այսինքն, ստացվում է` մեր օրենքներից վեր են սկսելու իրենց դասել»։

Ռազմիկ Մարտիրոսյան

30.03.2018

Աղբյուրը՝ «168 ժամ»

 

Ռազմական ոստիկանությունը ՌԴ զինվորականներին Հայաստանում կդարձնի ավելի հանդուգն. «ՀԺ»

Հայաստանում Ռուսաստանի Ռազմական ոստիկանության ստորաբաժանումները տեղակայվելու միջպետական պայմանագրային հենքի վրա եւ այժմ իրավապայմանագրային մշակումների շուրջ քննարկումներ են ընթանում: Մոտ ապագայում այս մասին կլինի լիարժեք տեղեկատվություն: Այս մասին մարտի 30-ին տեղի ունեցած քննարկման ժամանակ հայտարարեց ՀՀ ԱԺ Եվրոպական ինտեգրման հարցերի մշտական հանձնաժողովի անդամ, ՀՀԿ խմբակցության պատգամավոր Միհրան Հակոբյանը:

Օրեր առաջ Ռուսաստանի Զինված ուժերի ռազմական հարավային շրջանի շտաբի տարածած հաղորդագրության համաձայն Գյումրիում եւ Երեւանում պետք է տեղակայվեն ՌԴ ԶՈւ Ռազմական ոստիկանության ստորաբաժանումներ: Թեպետ հանրապետական պատգամավորը, ինչպես նաեւ ՀՀ ռազմա-քաղաքական իշխանության այլ ներկայացուցիչներ նշում են ՌՈ ստորաբաժանումների տեղակայման վերաբերյալ միջպետական իրավական հարցերի հստակեցման անհրաժեշտության մասին, սակայն Ռուսաստանի ռազմական ոստիկանության ծառայողները քայլում են Գյումրու փողոցներով:

Զինված ստորաբաժանումների տեղակայումը, ըստ փորձագետների իրականացվում է ՀՀ-ում «Ռուսական ռազմաբազայի մասին» պայմանագրի խախտումով, քանի որ այդ փաստաթղթում նման դրույթ ներառված չէ: Փորձագետների մյուս մասն էլ պնդում է, որ համաձայն միջազգային պրակտիկայի այլ պետության տարածքում ռազմաբազայի տեղակայումը իրենից ենթադրում է նաեւ ռազմական ոստիկանության ստորաբաժանումների ներկայություն։

Հայաստանի եւ Ռուսաստանի միջեւ 1997 թ-ին ստորագրված եւ 2002 թ-ին ուժի մեջ մտած «ՀՀ եւ ՌԴ միջեւ ՀՀ տարածքում ռուսական ռազմական բազայի գտնվելու հետ կապված գործերով իրավասության եւ իրավական փոխադարձ օգնության հարցերի վերաբերյալ համաձայնագրով» ամրագրված չէ ՌԴ-ի Ռազմական ոստիկանության որեւէ իրավասություն Հայաստանում տեղակայված 102-րդ ռազմակայանում: Սույն պայմանագրով տարբեր իրավասություններ են սահմանված ՌԴ զինվորական դատարանների, Զինդատախազության եւ Դաշնային անվտանգության ծառայության համար, իսկ Ռազմական ոստիկանության մասին որեւէ խոսք չկա, քանի որ այդ մարմինը ստեղծվել է պայմանագրի ստորագրումից հետո՝ 2011 թվականին:

«Եթե իսկապես տեղակայվելու են նման ստորաբաժանումներ, ապա պետք է լինի պայմանագրում փոփոխություն կամ կնքվի նոր պայմանագիր, որտեղ պետք է հստակ ամրագրվեն այդ ստորաբաժանումների գործառույթները: Այժմ ռուսական ռազմական բազան Հայաստանում տեղակայելու մասին պայմանագիրը չի նախատեսում եւս մեկ խմբավորման, ռազմական ստորաբաժանման տեղակայում, ինչը նշանակում է, որ սա բուն պայմանագրի խախտում է»,- նշեց քննարկման մասնակից Գլոբալիզացիայի եւ տարածաշրջանային հետազոտությունների վերլուծական կենտրոնի նախագահ, քաղաքագետ Ստեփան Գրիգորյանը

Հատկանշական է, որ ՌԴ ԶՈւ Ռազմական ոստիկանության պարեկություն իրականացնելու լիազորությունը նախատեսված չէ նաեւ 2000 թվականին ստորագրված «ՀՀ-ում ռուսական ռազմակայանի տարածքից դուրս ՌԴ ռազմական միավորների ամենօրյա գործունեության եւ կայազորային ծառայության կազմակերպման մասին» պայմանագրով:

Իրավական տեսանկյունից խնդրահարույց է նաեւ այդ ստորաբաժանումներին «հրազեն, ռազմական տեխնիկա ու հատուկ միջոցներ» տրամադրելու մասին լուրը, քանի որ ՀՀ-ում ՌԴ-ի զինծառայողների հրազեն կրելու ու կիրառելու իրավունքը ամրագրված է «ՀՀ-ում ռուսական ռազմակայանի զինծառայողների կողմից զենք կիրառելու մասին» 1997 թվականին ստորագրված համաձայնագրով: Համաձայն այդ փաստաթղթի, կարգապահության պահպանման կամ ճանապարհային երթեւեկության ապահովման համար զենք պահելու, կրելու կամ օգտագործելու իրավունք ՌԴ Զինված ուժերի (այդ թվում՝ ՌՈ) ծառայողները չունեն:

Ռուսաստանի պայմանագրային դաշտը հստակեցնելու կողմնակից է նաեւ հանրապետական պատգամավորը: «Նոր միավորների մասին կարելի է կնքել նոր պայմանագիր: Մենք գտնվում ենք այս քննարկումների փուլում, որ հասկանանք, թե ինչ կարգավիճակ է ունենալու ռազմական ոստիկանությունը: Կարծում եմ, որ ՌԴ-ն պետք է ունենա ռազմական ոստիկանության ստորաբաժանում, որ զբաղվեն իրենց ներքին կարգ ու կանոնով, զինվորի պահվածքով, մենք չէ, որ պետք է մտնենք 102-րդ ռազմաբազա, որ զբաղվենք այս հարցերով»,- ասաց Միհրան Հակոբյանը:

Նա դժվարացավ ասել՝ քանի ոստիկան կունենա ստորաբաժանումը, սակայն նշեց, որ թիվը կարող է տատանվել, օրինակ՝ 20-ից 30-ի միջեւ՝ ողջ հանրապետության տարածքով, որտեղ կան ռուսական ստորաբաժանումներ:

«Օրինակ՝ ռուս սպան մեքենայով դուրս է գալիս տեղակայումից, գնում է իր բնակավայր: Ինչո՞ւ պետք է այս հարցերով մենք զբաղվենք, որ ինքը ճիշտ քշի, կարգ ու կանոնով քշի: Ռուսական ռազմական ոստիկանության տեղակայման մեջ վտանգներ ես չեմ տեսնում, որովհետեւ 102-րդ ռազմաբազան մեր անվտանգության ապահովման կարեւոր բաղադրիչներից է», - նշեց Միհրան Հակոբյանը՝ նշելով, որ միանշանակ կողմ է ՌՈ ստորաբաժանումների տեղակայման գաղափարին:

Թերեւս սա առաջին դեպքը չէ, երբ «Ռուսական ռազմաբազայի տեղակայման մասին» պայմանագրի խախտման վտանգ կա: Բավական է հիշել 2015 թ-ի հունվարին 102-րդ ռազակայանից ռուս զինծառայող Վալերի Պերմյակովի փախուստի ու Ավետիսյանների ընտանիքի սպանության դեպքը, երբ ՌԴ զինծառայողները մի շարք պայմանագրերի խախտմամբ, հրազենով զինված իրականացնում էին որոնողական աշխատանքներ: 

Ըստ իրավապահների, նրանք պայմանագրերի խախտմամբ էլ ձերբակալեցին Պերմյակովին՝ վերջինիս չփոխանցելով Հայաստանի ոստիկանությանը, որի արդյունքում որեւէ մեկը պատասխանատվության չենթարկվեց:

Այս փաստն ընդունում է նաեւ Միհրան Հակոբյանը եւ հիշում. «Օրինակ Պերմյակովի փախուստի ժամանակ ռուսաստանցի զինվորականները ՀՀ ոստիկանների հետ ինքնաձիգներով իրականացնում էին որոնողական աշխատանքներ: Իրավիճակն, իհարկե, ֆորս մաժորային էր եւ այդ ժամանակ պետք էր հապճեպ լուծումներ տալ, սակայն սա խնդիր է»:

Քննարկման մասնակից Միջազգային եւ անվտանգության հարցերի հայկական ինստիտուտի փորձագետ Գեւորգ Մելիքյանը հարց բարձրացրեց՝ Հայաստանում ռուսական ՌՈ տեղակայելու նախաձեռնությունը հայկական կողմինն է եղել, թե ռուսական՝ հեգնական տոնով հավելելով, որ միգուցե մի օր էլ Իրանի կրոնական ոստիկանությունը հայտնվի՞ Հայաստանում իրանցի զբոսաշրջիկների կյանքը կարգավորելու համար:

«Պետք է հասկանալ՝ որտեղի՞ց է գալիս այս նախաձեռնությունը, ինչո՞վ է պայմանավորված այս անհրաժեշտությունը՝ ռուս զինվորների կարգուկանոնո՞վ. արդյո՞ք մտավախություն ունեն, որ զինվորներն անկանխատեսելի են դառնում», - մտահոգություններ հայտնեց նա՝ նշելով, որ Գյումրիում 102-րդ բազայի զինվորները չեն փայլել իրենց կարգուկանոնով, խախտումներ են թույլ տվել:

Սա լավ առիթ է մեզ համար՝ հասկանալու, որ կարող ենք ամրապնդել Հայաստանի դիրքերը, նշում է նա ու հավելում, որ հայկական կողմն ինքը պետք է զբաղվի իր տարածքում տեղակայված այլ ռազմաբազայի ծառայողներին վերահսկելու հարցերով: Նա ՌԴ-ի ՌՈ-ի ստորաբաժանման տեղակայման հարցում որոշակի մտահոգություններ ունի:

«Մենք պետականության շինարարությանը զուգահեռ պետք է ձգտենք ամրապնդվել ու գնալ օտարերկրյա ռազմական ներկայության սահմանափակման, ոչ թե ընդլայնման ճանապարհով: Գուցե ռուս զինվորը, իմանալով, որ այստեղ կա ռազմական ոստիկանություն, ավելի հանդուգն դառնա: Այսպես պետք չի անել, ու ինքը կարող է: Կարող են ավելի հանգիստ լինել, մտածել, որ կղզի են իրենք, իրենք իրենց կղզում պետք է իրենց հարցերը լուծեն», - մանրամասնեց Մելիքյանը, որի հետ կտրականապես չհամաձայնեց Միհրան Հակոբյանը:

«Ոչ, այս ստորաբաժանումը կօգնի լուծել ներքին կարգ ու կանոնի խնդիրները, դրանք դնել «ռելսերի վրա», եւ գուցե դրանից հետո հանցագործությունների քանակը քչանա»,- հակադարձեց պատգամավորը:

30.03.2018

Աղբյուրը՝ «Հայկական ժամանակ»

 

Գևորգ Մելիքյան. «Կա մտավախություն. գուցե մենք ունենանք Սևաստոպոլի օրինակը». «Հայելի»

Այսօր լրագրողների հետ հանդիպմանը ՄԱՀՀԻ ասոցացված փորձագետ Գևորգ Մելիքյանը, խոսելով ռուսական ռազմական ոստիկանության ստորաբաժանման ստեղծումից, նշեց, որ կարևոր է հասկանալ, թե ումն է նախաձեռնությունը. «Հայկական կո՞ղմն է դիմել ռուսական կողմին, թե՞ հակառակը, ինչի՞ց է գալիս սրա անհրաժեշտությունը, արդյոք հնարավոր չէր փորձել համատեղ գործել և չունենալ առանձին զորամիավորում»:

Գևորգ Մելիքյանը նշում է, որ Հայաստանը պատեհ և անպատեհ առիթով դրսում քննադատվում է. «Քննադատողները նշում են, որ անվտանգային, տնտեսական հարցերում Հայաստանը դարձել է Ռուսաստանի արբանյակը: Մասնավորապես՝ Իրանը, բանակցային գործընթացում Հայաստանի հետևում միշտ տեսնում է Մոսկվային, հասկանալով, որ այս գործընթացում Ռուսաստանի կանաչ լույսը պետք է տեսանելի լինի»:

Փորձագետը, զուգահեռներ անցկացնելով Սևաստոպոլի հետ, իր մտահոգությունն արտահայտեց. «Ընդլայնելով ռուսական ռազմական ներկայությունը Հայաստանում, հատկապես Գյումրիում, արդյոք մենք չենք գա մի կետի, որտեղ մենք կունենանք այն, ինչ տեղի ունեցավ Սևաստոպոլում»:

Առավել մանրամասն՝ տեսանյութում.

31.03.2018

Աղբյուրը՝ «Հայելի»
 

Գևորգ Մելիքյան. «Ռուսական ռազմական ոստիկանության առկայությամբ ռուս զինվորը գուցե հանդուգն դառնա». «Հայելի»

«Ցանկացած այլ երկրի զինվորի ներկայությունը մեկ այլ երկրում, գրեթե միշտ խնդիր է եղել տվյալ երկրի բնակիչների համար, քանի որ այդ զինվորները երբեք չեն փայլել իրենց կարգապահությամբ»,- այսօր լրագրողների հետ հանդիպմանը նշեց ՄԱՀՀԻ ասոցացված փորձագետ Գևորգ Մելիքյանը:

Գևորգ Մելիքյանը վստահ է, որ օտար ուժերի թիվը Հայաստանում ավելացնելու փոխարեն, պետք է մեր պետությունն առաջ տանենք և մենք  լինենք կենտրոնում. «Չի բացառվում, որ  ռուս զինվորը, իմանալով, որ այստեղ կա ռազմական ոստիկանություն, շատ ավելի հանդուգն իրեն պահի»:

Փորձագետը բերեց մի օրինակ՝ հայ որևէ քաղաքացի գուցե մոտենա ռուս կարգազանց զինվորին, նկատողություն անի, վերջինս էլ պտտվում է և ասում՝ դու ինձ հետ ի՞նչ գործ ունես, ձեր երկրում մենք կղզի ենք, և մենք ինքներս ենք մեր հարցերը կարգավորում:

Մանրամասները՝ տեսանյութում.

31.03.2018

Աղբյուրը՝ «Հայելի»