Քանի դեռ Հայաստանը «Ռոսնեֆտ»-ի եւ «Գազպրոմ»-ի հետ ունի պայմանագրեր, չի կարող զարգացում ապրել:

 

Ռուբեն Մեհրաբյան, ՄԱՀՀԻ ասոցացված փորձագետ Ռուբեն Մեհրաբյան, ՄԱՀՀԻ ասոցացված փորձագետ

«Ինչո՞ւ Իրանի հետ մեր հարաբերությունների զարգացումը դատարկախոսությունից այն կողմ չի անցնում: Ընդ որում, այդ դատարկախոսությունը կրում է պաշտոնական եւ մերձպաշտոնական բնույթ»,-օգոստոսի 18-ին Միջազգային և անվտանգության հարցերի հայկական ինստիտուտում «ԵՏՄ հարավային ֆլանգ. Կրեմլը ցայտնոտի մեջ» թեմայով փորձագիտական քննարկման ժամանակ այսպիսի հարցադրում արեց կենտրոնի փորձագետ, քաղաքագետ Ռուբեն Մեհրաբյանը:

Ըստ նրա, Հայաստան-Իրան հարաբերություններում առկա միակ խոչընդոտը հայ-ռուսական հարաբերություններն են. «Որեւէ մեկը հարցնո՞ւմ է` ի՞նչ գործ ունի ռուս զինվորն Արաքս գետի վրա…ո՞ւմից է պաշտպանում…Արաքս գետի վրա մեզ այդ ո՞վ եւ ի՞նչ է ասում, որ ռուսները մեզ այնտեղ պաշտպանում են»:

Մեհրաբյանի խոսքով` քանի դեռ Հայաստանը «Ռոսնեֆտ»-ի եւ «Գազպրոմ»-ի հետ ունի պայմանագրեր, չի կարող զարգացում ապրել. «Ռուսաստանն ամեն ինչ անելու է, որ թույլ չտա Հայաստանը դառնա տարանցիկ երկիր: Բայցի այդ, ինչո՞ւ Իրան-Ադրբեջան «դուետին» միացավ Ռուսաստանը: Ադրբեջանի միջոցով իրենց վրա վերցնելով հաղորդակցության միջոցները` ռուսները քաղաքական առեւտրում ունենում են եւս մեկ հաղթաթուղթ»:

Լուիզա Սուքիասյան

18.08.2016

Աղբյուրը՝ «Առավոտ»